《透明機殻先係皇道》
每次買新機我都係求其買個$20透明殻用住先，諗住遲啲再慢慢揀個靚靚殻。
.
但係我每次都不了了之。
.
結果前排個舊殻終於變黃又爛爛哋，我一心可以換個盡顯個人風格鋒芒畢露嘅殻啦😎！係咁上網搵款，點知而家啲款，唔係雲石就係雲石，唉～雲石唔係我杯茶啊 我又唔鍾意隨波逐流！結果搵咗好耐都得個吉。
.
然後有日經過啲殻鋪，見到呢個殻，店員突然勁sell佢話有位攝八達通好方便㗎，又好熱心咁即刻拆俾我試，結果我就直接用住走咗😂盛惠$58大元～有進步有進步
（但個殻好神奇，完全係電波絕緣體，唔將張卡完全抆出嚟係嘟唔到🌚攝住少少都嘟唔到）
.
其實透明殻先正！完全顯現番部機原有嘅美感！正如熊熊兒童合唱團話齋：簡單就是美！如果唔用透明殻咪會遮住機身，有失我買咁靚嘅玫瑰金嘅原意囉！
我都係啱透明殻多啲㗎啦，點解？襯番我呢個透明人嘛😌
.
P.s. 新八達通好似小畫家填色比賽啲落選作品咁，比我都唔想換新卡啦⋯
P.s2 iPhone 7 開始冇咗耳機插真係好反智，平時番學用電腦同手機要瘋狂換轉插，煩死
_
Search